Institut nizomi va qoidalari
1-modda (Tashkil toppish falsafasi
- ’Ijodkorlik va kashfiyotchilik’
- "Ilg'or texnologiyalarni boshqarish va u orqali insoniyat rivojiga hissa qo'shadigan iste'dodlarni tarbiyalash"
2-modda (Ta’lim maqsadi)
- Amaliy va yuqori darajadagi ta'lim orqali ilg'or texnologiyalarni boshqara oladigan mutaxassislarni, konvergent fikrlash qobiliyatiga ega global iste'dodlarni tarbiyalash.
3-modda (Nomlanishi)
- Seul Texnologiya Instituti(bundan keyin “institut”) deb nomlanadi.
4-modda (Kampus manzili)
- Institut Namangan Seul Texnologiya Insitutidada joylashadi.
II bob - tarkibiy tuzilma va institut xodimlari
1-qism Kollej va institutning qo’shimcha muassasalari
5-modda (Kollej)
- Institut kollej tashkil qilishi mumkin.
6-modda (Institutning qo’shimcha muassasalari)
-
① Institut quyidagi qo’shimcha muassasalarni tashkil qiladi.
1. Qo’llab-quvvatlash markazi
2. Ta’lim markai
3. Tadqiqot markazi
-
② Qo’shimcha muasassalarni tashkil qilish va ularning faoliyat doirasi rektor tomonidan belgilanadi.
7-modda (Shartnoma asosidagi fakultetlar)
-
Shartnoma asosidagi fakultetlar davlat, mahalliy hokimiyat organlari yoki sanoat korxonalari bilan tuzilgan shartnomalar orqali tashkil qilinishi mumkin va shartnoma asosidagi fakultetlar faoliyati tegishli qonunlar va tashkilotlar bilan tuzilgan shartnomalarga ko'ra tartibga solinadi.
8-modda(Lavozimlar tizimi)
- Institutning lavozimlar tizimi alohida belgilanadi.
2-bo'lim Institut xodimlari va professor-o'qituvchilarning ma'ruza soatlari
9-modda (Institut xodimlari)
- Institut xodimlari rektor, professor va o‘qituvchilar, xodimlar va o‘qituvchilarning yordamchilariga bo‘linadi.
10-modda (Professor va o’qituvchilarning ma’ruza soatlari
- ① Professor va o’qituvchilarning ma'ruza soatlari har bir o'quv yilida 30 haftani, haftasiga 9 soatni tashkil qiladi.
- ② 1-band qoidalaridan farqli tayinlangan professor va o'qituvchilarning ma'ruza soatlari o'zgartirilishi mumkin va bularga oid qoidalar rektor tomonidan belgilanadi.
III bob - Akademik boshqaruv, umumiy qoidalar
1-qasm O’quv yili, semester, dars kunlari soni, dam olish kuni
11-modda (O’quv yili va semester)
- ① O’quv yili 1-sentabrdan keyingi yilning avgustigacha davom etadi.
-
② O’quv yili quyidagicha 2 semesterga bo’linadi.
1. 1-semester : 1-sentyabrdan keyingi yil fevral oyining oxirigacha davom etadi.
2. 2-semester : 1-martdan avgust oyining oxirigacha davom etadi.
- ③ Har semesterning ochilish kuni kabi tafsilotlar har o’quv yilida belgilanadi.
12-modda (Dars kunlari soni)
-
① Dars kunlari soni har yili kamida 30 haftani (har semesterda 15 haftda ko’p) tashkil qiladi.
-
② Agar 1-bandda ko‘rsatilgan dars kunlari soni tabiiy ofatlar yoki ta'lim dasturining amal qilishi uchun muqarrar sabablarga ko‘ra bajarilmasa, dars kunlari soni rektor ruxsati bilan har o‘quv yilidan boshlab 2 hafta ichida o‘zgartirilishi mumkin.
13-modda (Dam olish kunlari)
-
① Institutning muntazam dam olish kunlari quyidagicha bo’ladi.
1. Yozgi ta’til, qishki ta’til
2. Yakshanba, bayram kunlari
3. Institutning tashkil topgan kuni
-
② Tabiiy ofat yoki favqulodda vaziyat yuzaga kelganda, vaqtinchalik ta’til kunlari belgilanishi mumkin.
-
③ 2-bandga muvofiq dam olish kunlari munosabati bilan o’tilmagan darslar uchun qo’shimcha dars kunlari belgilanadi.
-
④ Institut zarur deb topgan hollarda dam olish kunlarida ham darslar o’tishi mumkin.
2-qism Ta’lim shakli
14-modda (Ta'lim shakli)
- ① Institutda ta’lim shakli zaruriyatdan kelib chiqqan holda kunduzgi, kechki, masofaviy, amaliy tarzda amalga oshiriladi.
- ② Mavsumiy darslar zarur bo'lsa, ular yozgi va qishki ta'til paytida o'tkazilishi mumkin.
- ③ Darslar bo’yicha batafsil qoidalari rektor tomonidan belgilanadi.
3-qism Darslar davomiyligi va o’qish davomiyligi
15-modda(Darslar davomiyligi)
- Institutda darslar davomiyligi 4 yilni tashkil qiladi.
16-modda (O’qish davomiyligi)
- ① Institutda o’qish davomiyligi (o’qishini ko’chirgan talabalar va o’qishga qayta tiklangan talabalar o'qishni ko'chirganidan yoki o'qishga qayta tiklanganidan so'ng ta’lim olishi mumkin bo’lgan muddat) darslar davomiyligidan ikki baravar ko'p muddatni tashkil qiladi.
- ② O’qish davomiyligi tugasada institutning barcha kurslarini tamomlay olmaganlar o‘qishdan chetlashtiriladi.
- ③ Akademik ta'til muddati o’qish davomiyligiga kiritilmaydi.
IV bob – Qabul, ro'yxatdan o’tish va akademik reestrdagi o'zgartirishlar
1-bo'lim O’qishga qabul qilish, o’qishni ko'chirish va qayta tiklash, fakultetni o’zgartirish
17-modda (Qabul vaqti)
- Qabul o'quv yili boshlangan kundan boshlab 30 kun ichida amalga oshiriladi. Biroq, o’qish tiklash yoki o’qishni ko’chirish semestr boshlangan kundan boshlab 30 kun ichida amalga oshirilishi mumkin.
18-modda (Qabul qilinish uchun talablar)
-
Institutning 1-kursiga o'qishga qabul qilinuvchi shaxslar quyidagi talablarga mos kelishi kerak
-
1. O'rta maktab, litsey yoki texnikumni tugatgan bo’lishi
2. Qonunga asosan 1-bandda ko'rsatilgandan yuqori ma'lumotga ega bo’lishi
19-modda (O'qishga xujjat topshirish tartibi)
-
① Insitutga o'qishga kirishni maqsad qilgan abiturientlar quyidagi xujjatlarni taqdim qilib, belgilangan ariza to'lovini to'lashlari lozim
1. Ariza shakli
2. Institut talab qiladigan boshqa xujjatlar
-
② Taqdim qilingan xujjatlar va to’langan ariza puli qaytarib berilmaydi. Lekin, abiturientning xatosiga bog'liq bo'lmagan vaziyatlar yuzaga kelganda ariza puli qisman yoki to’liq qaytarib berilishi mumkin.
20-modda (Qabul)
- O‘qishga qabul qilish va ko‘chirish masalalari ilmiy ishlar komissiyasi tomonidan muhokama qilingandan so’ng rektor tomonidan belgilanadi.
21-modda (O’qishga qabul qilish uchun ruxsat va ro’yxatdan o’tish)
-
① O’qishga qabul qilish, o’qishni ko’chirish, o’qishga qayta tiklash rektor ruxsatiga ko’ra amalga oshiriladi.
-
② O’qishga qabul qilingan talabalar belgilangan muddat ichida ro’yxatdan o’tishlari kerak.
22-modda(Kvotalar sonidan tashqari qabul)
- Har bir fakultet uchun qabul kvotalari soni har bir fakultetga ajratilgan joy sig'adigan darajada kvota miqdoridan tashqari talabalarni o’qishga qabul qilishi mumkin.
23-modda (O’qishni ko’chirish)
-
① O’qishni ko’chirish 3-kursdan boshlab amalga oshirilib, o’qishni ko’chiradigan talabalar fakultetlar bo’yicha bo’sh qabul kvotalarida doirasida tanlab tanlanadi.
-
② Ariza beruvchilar universitetda kamida 4 semestrni tamomlagan boʻlishi va belgilangan kreditlarni toʻldirgan boʻlishi yoki qonunga muvofiq ekvivalent yoki undan yuqori ilmiy maʼlumotga ega deb tan olinganlar boʻlishi kerak.
-
③ O’qishni ko’chirish bo’yicha batafsil qoidalar rektor tomonidan belgilanadi.
24-modda (O’qishga qayta tiklash)
-
① Agar o‘qishdan ketgan yoki o‘qishdan chetlatilgan shaxs qaytadan o‘qishga qaytishni istasa, umumiy kvota doirasida bo‘sh o‘rinlar mavjud bo‘lsa, u o‘zi o’qishdan chiqqan yoki chetlatilgan fakultetning o‘sha yoki undan pastroq kursidan o'qishini davom ettirishga ruxsat berilishi mumkin.
-
② O’qishga qayta tiklash bo’yicha batafsil qoidalar rektor tomonidan belgilanadi.
25-modda (O’qishdan chetlashtirish)
-
Agar quyidagi bandlarda ko’rsatilgan holatlardan birortasi yuzaga kelsa, talaba o’qishga qabul qilingandan va o’qishni bitirgandan keyin ham uning o’qishdan chetlatilishi mumkin. Bunday holda taqdim etilgan hujjatlar va kontrakt-shartnoma puli qaytarilmaydi.
1. Agar o’qishga ariza topshirishni cheklash uchun sabab bo'lsa
2. Ariza beruvchining xatosi tufayli, qabul hujjatlari soxta yoki taqiqlangan ma’lumotlarni o'z ichiga olgan bo'lsa
3. O’qishga qabul qilinganlik haqida qaror chiqsada belgilangan muddat ichida kontrakt-shartnoma puli to’lanmasa
4. Aldov yo’llari orqali o’qishga kirgan bo’lsa
5. O’qishdan chetlatishga sabab bo’luvchi boshqa harakatlarni sodir qilsa
26-modda (Fakultetni ko’chirish)
-
① Fakultetni ko’chirish ikkinchi yoki undan yuqori kurs talabalariga ruxsat etiladi.
-
② Fakultetni ko’chirish bo'yicha batafsil qoidalar rektor tomonidan belgilanadi.
2-qism (Ro’yxatdan o’tish va kotrakt-shartnoma to’lovi)
27-modda (Ro’yxatdan o’tish)
- Talaba har semesterda belgilangan muddat ichida ro’yxatdan o’tishi kerak bo’lib, ro’yxatdan o’tish belgilangan kontrakt-shartnoma to’lovini to’lash va kurslarga yozilish orqali amalga oshiriladi.
28-modda (Kontrakt-shartnoma to’lovi
-
① Talabalar har bir semestrda roʻyxatdan oʻtish davrida belgilangan kontrakt-shartnoma toʻlovini toʻlashlari shart. Ammo uzrli sabablar bo‘lsa, rektor ruxsati bilan kontrakt-shartnoma to’lovi bo‘lib-bo‘lib to‘lanishi mumkin.
-
② Kontrakt-shartnoma to’lovi summasi darslarga qatnashmaslik, o’qishga borishni to'xtatib turish, o’qishni to'xtatib turish yoki o'qishdan chetlatilish kabi sabablar tufayli kamaytirilmaydi.
-
③ Kontrakt-shartnoma to'lovi miqdori, to'lov muddati va bo'lib-bo'lib to'lash masalalari rektor tomonidan belgilanadi.
29-modda (Kontrakt-shartnoma to'lovini qaytarish)
-
① Toʻlangan kontrakt-shartnoma to’lovi qaytarilmaydi. Biroq, quyidagi bandlarda keltirilgan holatlardan birortasi kuzatilganda, to’lov 2 va 3-bandlarda ko'rsatilgan shartlarga muvofiq qaytariladi.
1. Kontrakt-shartnoma to’lovi noto’g’ri to’langanda
2. Qonunga muvofiq shaxs o'qishga kirishi, qayta tiklanishi yoki o'qishni ko'chirish yoki o'qishni davom ettira olmaydigan bo'lsa
3. O’qishga qabul qilinganlik haqida qaror chiqqan shaxs o’qishni davom ettirmaslik niyatini bildirsa
4. Agar hozirda o‘qishga kirgan yoki akademik ta’tilda bo‘lgan talaba o‘qishni davom ettirmaslik niyatini bildirsa, biroq kontark-shartnoma to‘lovi to‘langan semestr davomida akademik ta’tilga chiqqanda va keyingi semestr boshlangandan keyin o‘qishni davom ettirmaslik niyatini bildirsa, to‘lovni qaytarish tegishli to‘lov sanasi va o’qishni davom ettirmaslik niyati bildirilgan sana o‘rtasida o‘quv kunlari eng ko‘p o’qilgan semestr asosida amalga oshiriladi.
5. Talaba kasallik, o‘lim, tabiiy ofat yoki boshqa fors major sabablarga ko‘ra institutga o’qishga kira olmagan yoki o‘qishni davom ettira olmagan taqdirda.
6. Akademik ta’tilda bo‘lgan talaba o’qishga qaytmaganligi sababli o‘qishdan chetlashtirilsa
-
② 1-bandning 1 va 3-qismlaridagi vaziyat bo'lsa, to’lov summasi to'liq qaytariladi.
-
③ 1-bandning 2, 4 yoki 6-qismidagi holat boʻyicha kontrakt-shartnoma toʻlovini qaytarish 2-ilova [Kontark-shartnoma toʻlovini qaytarish mezonlari] muvofiq amalga oshiriladi.
3-bo'lim Akademil ta'til, o’qishga qaytish, o’qishdan ketish, o’qishdan chetlatilish
30-modda (Akademik ta’til turlari va muddati)
-
① Akademik ta'til turlari umumiy akademik ta'til va maxsus ta'til(qonunchilikda belgilangan majburiyatlarni bajarish uchun ta'til)ga bo'linadi.
-
② Bir martalik umumiy akademik ta'til muddati bir yildan ko’p bo'lmasligi kerak. Ma'lum bir hollarda ushbu muddat rektorning ruxsati bilan uzaytirilishi mumkin. Biroq, umumiy akademik ta'til muddati homiladorlar, farzand ko’rganlar va yosh bolalalilar ikki yilgacha belgilanadi.
-
③ Maxsus akademik ta'til ta'tilning sababi tugagunga qadar beriladi.
-
④ Taʼtilda boʻlgan talabalar taʼtil davrida oʻz akademik maʼlumotlarini saqlab qoladilar, taʼtil davri esa oʻqish davomiyligiga qo'shilmaydi.
-
⑤ Ta'tilning sabablari va tartibi to'g'risidagi qoidalar rektor tomonidan belgilanadi.
31-modda(O'qishga qaytish)
-
① Akademik ta'tilga chiqqan talabalar ta’til muddati tugagandan keyin o’qishga qaytishlari shart. Biroq talabalar rektor ruxsati bilan ta’til muddati tugashidan oldin ham institutga qaytishlari mumkin.
-
② O’qishga qaytish bo'yicha batafsil qoidalar rektor tomonidan belgilanadi.
32-modda (O’qishdan ketish)
-
① O’qishdan ketishni xohlovchilar bu bilan bog'liq hujjatlarni taqdim etish orqali rektordan ruxsat olishlari kerak.
-
② O’qishdan ketish bilan bog’liq masalalar rektor tomonidan belgilanadi.
33-modda (O’qishdan chetlatish)
-
① Quyidagi bandlardagi holatlardan biri yuzaga kelganda talaba o'qishdan chetlashtiriladi.
1. Ta’til muddati tugagandan so’ng o’qishga qaytmagan shaxslar
2. Har bir semestrda belgilangan muddatda kontrakt-shartnoma pulini to’lamaganlar
3. O'qish davomiyligi belgilangan muddatdan o’tib ketgan shaxslar
4. Talabalarning intizomiy jazolari to‘g‘risidagi Nizomga muvofiq o‘qishdan chetlatilganlar
5. Ketma-ket 3 martadan ortiq baholari haqida ogohlantirish olganlar
-
② O’qishdan chetlatishga oid batafsil qoidalar rektor tomonidan belgilanadi.
V bob - O'quv dasturini o’zlashtirish va o’qishni tugatish
1-bo‘lim O‘quv dasturi va kreditlar
34-modda (O‘quv dasturi)
-
① O'quv dasturini tuzish va uni qo'llash tartibi rektor tomonidan O'quv dasturlari qo'mitasi muhokamasi o'tkazish orqali belgilanadi.
-
② O'quv rejasi bilan bog'liq muhim masalalarni muhokama qilish va tadqiq qilish uchun O'quv dasturlari qo'mitasi tashkil etiladi va rektor qo'mitaning tashkil etilishi va faoliyat yurgizishini belgilaydi.
35-modda (Kurslar)
-
① Har bir fakuktetdagi fanlar umumta'lim fanlari, mutaxassislik fanlari va ixtiyoriy fanlarga tasniflanib, umumta'lim va mutaxassislik fanlari ham majburiy va ixtiyoriy fanlarga bo‘linadi. Bunga oid qoidalar alohida belgilanadi.
-
② Har bir semestr uchun ochiladigan fanlar joriy semestr uchun darslar boshlanishidan oldin rektor tomonidan belgilanadi.
36-modda (O'zlashtirish birligi)
-
① Fanlarni o’zlashtirish kreditlarda o’lchanadi.
-
② Bir semestrda bitta kredit olish uchun talabalar semestrda 15 soatdan ko'proq vaqt dars olishlari kerak.
37-modda (O'zlashtirish lozim bo'lgan kreditlar)
-
① Bir semestr uchun talab qilinadigan kreditlar soni 9dan baland 19dan past bo’lishi lozim.
-
② 1-band qoidalaridan farqli o'laroq, oldingi semestrda o'rtacha 92 yoki undan yuqori ball olgan talabalar qo'shimcha 3 ta kredit olishlari mumkin.
38-modda (Talabalar almashinuvi paytida olingan kreditlarni tan olish)
-
① Mahalliy va xorijiy universitetlar va ularga tenglashtirilgan taʼlim muassasalari oʻrtasida almashinuv yoʻli bilan olingan kreditlar o'qishni bitirish uchun zarur boʻlgan kreditlarning 1/2 qismiga teng kredit sifatida tan olinishi mumkin.
Biroq, o’qishni ko'chirgan talabalar o’qishni ko’chirgan vaqtida tan olingan kreditlar tashqari kreditlar institut kreditlarining 1/2 qismiga teng deb tan olinishi mumkin.
-
② Talabalar almashinuvi va kreditlarni tan olish bo’yicha batafsil qoidalar rektor tomonidan belgilanadi.
39-modda (Xorijiy universitetlar bilan birgalikda qo'shma ta’lim dasturlarini yo’lga qo'yish)
- Xorijiy universitetlar bilan birgalikda ta’lim dasturlarining yurgizilishi va ikki ilmiy daraja yoki qo'shma ilmiy darajalar berilishi mumkin va bu boradagi qoidalar alohida belgilanadi.
2-bo'lim Kurslarga ro'yxatdan o'tish, imtihonlar va baholar
40-modda (Kusrlarga ro’yxatdan o’tish, o’zgartirish va bekor qilish
-
① Talabalar belgilangan muddat ichida kurslarga ro'yxatdan o'tishlari kerak.
-
② Agar talaba o’zi ro’yxatdan o’tgan kursini oʻzgartirmoqchi boʻlsa, bu ishni roʻyxatdan o’tishni o’zgartirish mumkin bo’lgan muddat ichida amalga oshirishi lozim.
-
③ Agar talaba o’zi ro’yxatdan o’tgan kursni o’qiy olmasa, belgilangan muddat ichida uni bekor qilishi mumkin.
-
④ Kursga ro'yxatdan o'tish, ro'yxatdan o'tilgan kursni o'zgartirish va ro'yxatdan o'tgan kurslarni bekor qilishga oid batafsil qoidalar rektor tomonidan belgilanadi.
41-modda (Imtihonlar)
-
① Har bir semestrda har bir fan bo'yicha doimiy nazorat imtihonlar o'tkaziladi va zarur hollardan navbatdan tashqari imtihonlar o'tkazilishi ham mumkin.
-
② Kasallik yoki boshqa uzrli sabablarga ko‘ra doimiy imtihonda qatnasha olmagan talabalar doimiy imtihon tugaganidan keyin 7 kun ichida rektorning ruxsati bilan qo‘shimcha imtihon topshirishlari mumkin.
-
③ Imtihonlarga oid batafsil qoidalar rektor tomonidan belgilanadi.
42-modda (Baholash mezonlari)
-
① Akademik o’zlashtirish test ballari, davomat, topshiriqlar va darsdagi xulq-atvorni o’z ichiga olgan holda 100 balllik sistemada baholanadi.
-
② Har bir fan boʻyicha jami dars soatlarining 2/3 qismiga qatnashmaganlar, doimiy nazorat imtihonlarida qantashmaganlar va qoidabuzarlarga 0 ball hisoblanadi.
-
③ Baholash nisbiy baholashga asoslanadi va bu bilan bog’liq batafsil qoidalar alohida belgilanadi.
43-modda (baholash darajasi)
-
① Akademik baholar quyidagicha tasniflanadi.
daraja |
ball |
baho |
daraja |
ball |
O'rtacha ball |
A+ |
95 balldan yuqori |
4.50 |
A |
90 balldan baland – 95 balldan past |
4.00 ~ 4.49 |
B+ |
85 balldan yuqori – 90 balldan past |
3.50 ~ 3.99 |
B |
80 balldan baland – 85 balldan past |
3.00 ~ 3.49 |
C+ |
75 balldan baland – 80 balldan past |
2.50 ~ 2.99 |
C |
70 balldan baland – 75 balldan past |
2.00 ~ 2.49 |
D+ |
65 balldan baland – 70 balldan past |
1.50 ~ 1.99 |
D |
60 balldan baland – 65 balldan past |
1.00 ~ 1.49 |
F |
60 balldan past |
0 |
|
|
|
-
② Rektor tomonidan tayinlangan kurslar uchun o'zlashtirish P (o'tish) yoki F (o'tmagan) sifatida baholanadi, lekin u o'rtacha ballni hisoblashga kiritilmaydi.
44-modda (Kreditlarni hisoblash va bekor qilish)
-
① Talaba har bir semestr oxirida 60 va undan ortiq ball to'plagan taqdirda va P (o’tish) olgan taqdirda, ushbu ball kreditni o’zlashtirish sifatida tan olinadi.
-
② Agar kreditlar allaqachon o'zlashtirilgan bo'lsa ham, agar talaba qoidabuzarlik sodir qilsa ushbu kreditlar bekor qilinadi.
3-bo'lim Past baho olgan talabalarga oid chora-tadbirlar
45-modda (Alohida yo’l-yo’riq va baho haqida ogohlantirish)
-
① Har bir semestr oxirida o'rtacha bahosi 70 balldan kam bo'lganlar uchun ilmiy rahbar va fakultet dekani tomonidan suhbatlar o’tkazilib maxsus yo’l-yo’riq berilishi kerak.
-
② Har bir semestr oxirida oʻrtacha bahosi 65 balldan kam boʻlganlar uchun ogohlantirish beriladi.
-
③ Agar 2-bandga muvofiq baho haqida ogohlantirish berilsa, bu haqda talaba, uning vasiylari, fakultet dekani va talabalarga yo'l-yo'riq ko’rsatish bo'yicha ma'muriy bo'lim xabardor qilinishi kerak.
4-bo'lim Ikki mutaxassislik
46-modda (Ikki mutaxassislik)
-
① Ikki mutaxassislik bo'yicha ta'lim olishni xohlovchilar rektorning roziligi bilan ikki mutaxassislikni o'zlashtirishlari mumkin mumkin.
-
② Ikki mutaxassislikka oid batafsil masalalar rektor tomonidan belgilanadi.
47-modda (Qo'shimcha mutaxassislik)
-
① O'zining mutaxassislik fanlaridan tashqari, belgilangan tartibga rioya qilgan holda, ma'lum bir fakultetning 21 yoki undan ko'p kreditga teng mutaxassislik fanlarini o'zlashtirgan talabalar qo'shimcha mutaxassislikni o'zlashtirgan deb e'tirof etiladi.
-
② Qo'shimcha mutaxassislikka oid batafsil masalalar rektor tomonidan belgilanadi.
5-bo'lim Kursni tugatish va o'qishni bitirish
48-modda (Kursni tugatish)
-
① Joriy kursgacha ro’yxatdan o’tib 2-bandda ko’rsatilgan kreditlarni o’zlashtirgand mazkur talaba o’quv yilini tugatgan deb e’tirof etiladi.
-
kurs |
kredit miqdori |
kurs |
kredit miqdori |
1-kurs |
35 kredit |
2-kurs |
70 kredit |
3-kurs |
105 kredit |
4-kurs |
140 kredit |
49-modda (Bitirish uchun zarur kredit miqdori)
-
① O’qishni bitirish uchun talab qilinadigan kredit miqdori 140 ni tashkil qiladi.
-
② Fakultetlararo mutaxassislik fanlari boʻyicha talab qilinadigan kreditlarning minimal miqdori, fanlar klassifikatsiyasiga oid masalalar rektor tomonidan belgilanadi.
50-modda (Bitirish uchun ta’lablar)
-
① Bo'lajak bitiruvchilar bitiruv malakaviy ishini taqdim qilishlari lozim.
-
② 1-bandda ko'rsatilgan qoidadan qat'iy nazar, fakultetning xususiyatlaridan kelib chiqqan holda zaruriyat tug’ilsa, rektor tasdiqlagandan so’ng, kopleks imtihonlar, amaliy ko'nikmalar va ish taqdimotlari, tegishli fakultetga aloqador sertifikatlar va sertifikatlash testlari bilan almashtirilishi mumkin.
-
③ Bitiruv malakaviy ishi va kompleks imtihonlarga oid qoidalar rektor tomonidan belgilanadi.
-
④ Bakalavr darajalari turlari 3-jadvalda keltirilgan.
-
⑤ 1-bandning 3-kichik bandidagi malaka talablariga javob bermaydigan shaxslarga 2-ilovadagi shaklda tamomlaganlik sertifikati berilishi mumkin.
-
⑥ Ikki mutaxassislik boʻyicha oʻqishni tamomlaganlar ikki mutaxassislik diplomiga ega boʻladilar, qo’shimcha mutaxassislikni tugatganalarda esa qo’shimcha mutaxassislik diplom sertifikatida koʻrsatib o'tiladi.
51-modda (O’qishni tugatish payti)
- Institutni tugatish avgust yoki fevral oyida amalga oshiriladi.
6-bob - talabalarning mustaqil faoliyati va stipendiyalar
1-bo'lim talabalarning mustaqil faoliyati va yo'l-yo'riqlar
52-modda (Talabalar uyushmasi)
-
① Seul Texnologiya Instituti talabalar uyushmasi (keyingi o‘rinlarda “Talabalar uyushmasi” deb yuritiladi) sog‘lom akademik an’analarni shakllantirish va talabalarda mustaqil faoliyat yuritish qobiliyatini rivojlantirish maqsadida talabalarning o‘zini o‘zi boshqarish tashkiloti sifatida tashkil etilgan.
-
② Ushbu tuzilma va uning faoliyat bilan bog'liq masalalar alohida belgilanadi.
53-modda (Talabalar uyushmasi faoliyati
-
① Talabalar uyushmasi va talabalar guruhlari yoki talabalar o’zlari chop etadigan yoki tarqatadigan materiallar haqida institut ma'muriyatiga xabar berishlari kerak.
-
② Talabalar uyushmasi mustaqil ravishda quyidagi faoliyatni amalga oshirishi mumkin.
-
③ Ushbu tashkiliy tuzilma va uning faoliyat bilan bog'liq masalalar alohida belgilanadi.
-
1. Institut madaniy hayotini rivojlantirish uchun turli o'quv, badiiy va sport tadbirlari
2. Mamlakat ichidagi va xorijdagi turli sohalarda ko'ngillilik faoliyati
3. Talabalar uyushmasi faoliyatiga oid turli nashrlarni chop etish va tarqatish
4. Talabalar o'zini o'zi boshqarishning boshqa faoliyat turlari
54-modda (Talabalar guruhlari)
- Barcha talabalar guruhlari talabalar uyushmasiga a’zo bo'lishi kerak. Biroq, talabalar uyushmasiga a’zo bo'lmagan talabalar guruhini tashkil qilishda, u talabalarga yo’l-yo’riq ko’rsatish komissiyasi tomonidan muhokama qilinganidan keyin rektor tomonidan tasdiqlanishi kerak.
55-modda (Talabalar kengashi muddati)
- Talabalar kengashi xodimlarining vakolat muddati joriy yilning 1 iyulidan keyingi yilning 30 iyunigacha.
56-modda (Talabalar uyushmasiga a’zolik uchun to‘lov)
- Talabalar uyushmasiga a’zolik to'lovlari institute buxgalteriya tartib-qoidalariga muvofiq amalga oshirilishi kerak.
57-modda (Talabalar faoliyati to'g'risida hisobot)
- Talabalar yakka tartibda yoki birgalikda quyidagi harakatlarni amalga oshirganda, ular bu haqda institut ma'muriyatiga xabar berishlari kerak.
1. Darsdan tashqari faoliyatni tashkil etish
2. Maktabning moddiy-texnik vositalaridan foydalanish
3. Kampusda reklama, materiallarni yopishtirish yoki tarqatish
4. Kampusga tashqaridan xodimlarni taklif qilish
58-modda (Talaba nashrlari)
-
① Talabalar uyushmasi va talabalar guruhlari o’zlari chop etadigan yoki tarqatadigan materiallar va talabalar tarqatadigan materiallar haqida institut ma'muriyatiga xabar berish kerak.
-
② Talabalar uyushmasi, talabalar guruhlari va talabalar nashrlarini chop etish va tarqatish masalalari rektor tomonidan alohida belgilanadi.
59-modda (Xatti-harakatlarning cheklanishi.
- Talabalar institutning dars, tadqiqot va akademik boshqaruv kabi asosiy funksiyalarini bajarishiga xalaqit berishi yoki o'quv muhitiga zarar yetkazishi mumkin emas.
60-modda (Ilmiy rahbar)
- Talabaning akademik va institut hayotida yo’l-yo’riq ko’rsatish uchun ilmiy rahbar tayinlanishi mumkin.
61-modda (Talabalarga yo’l-yo’riq ko’rsatish komissiyasi)
-
① Talabalar uyushmasi faoliyatiga yo’l-yo’riq ko’rsatish va ularni yuksaltirish hamda talabalarga ko’rsatmalar berish bilan bog'liq barcha masalalarni muhokama qilish uchun Talabalarga yo’l-yo’riq ko’rsatish komissiyasi tashkil etiladi.
-
② Talabalarga yo’l-yo’riq ko’rsatish komissiyasiga oid batafsil qoidalar rektor tomonidan belgilanadi.
2-qism Grantlar
62-modda (Grantlar)
-
① Grantlar o’qishga kirish baholari yoki akademik koʻrsatkichlari yaxshi boʻlgan va yaxshi xulq-atvorga ega boʻlgan talabalarga yoki moliyaviy ahvoli qiyin talabalarga berilishi mumkin.
-
② Grantlarga oid batafsil qoidalar rektor tomonidan belgilanadi.
3-bo'lim Mukofotlar va intizomiy choralar
63-modda (Mukofotlar)
-
① Institut yaxshi xulq-atvori va akademik o'zlashtirishi a’lo darajadagi talabalarni, oliygoh sha’nini ko‘targan talabalarni va savobli ishlari boshqalarga o‘rnak bo‘ladigan talabalarni taqdirlash mumkin.
-
② Mukofotlar bilan bog’liq batafsil qoidalar rektor tomonidan belgilanadi.
64-modda (Intizomiy choralar)
-
① Agar talaba o'z majburiyatlariga zid bo’lgan harakat sodir qilsa, rektor talabalarga yo’l-yo’riq ko’rsatish komissiyasi muhokamasidan so'ng intizomiy choralar ko'rishi mumkin. Bunda talabaga o‘z fikrini bildirish imkoniyati berilishi kerak.
-
② Intizom choralar sinov muddati, vaqtinchalik o’qishdan chetlatish, noma’lum muddatga o’qishdan chetlatish va o’qishda chetlatishga bo'linadi.
-
③ Intizomiy choralarga doir boshqa qoidalar rektor tomonidan belgilanadi.
IV bo‘lim Imkoniyati cheklangan talabalarni qo‘llab-quvvatlash.
65-modda (Imkoniyati cheklangan talabalarni qo‘llab-quvvatlash)
- Imkoniyati cheklangan talabalarga oliygoh darslarida nogironligi sababli kamsitilmasliklari yoki noqulay ahvolga tushib qolmasligi uchun yordam ko'rsatiladi va ularni qo'llab-quvvatlashga oid batafsil qoidalar rektor tomonidan belgilanadi.
66-modda (Ochiq ma’ruzalar)
-
① Ochiq ma'ruzalar umumta’lim fanlari, kasb yoki tadqiqot uchun zarur bo'lgan bilimlarni o’zlashtirishni xohlovchi talabalar uchun o'tkazilishi mumkin.
-
② Ochiq ma'ruzalar oid batafsil qoidalar rektor tomonidan belgilanadi.
VIII bo'lim – Professor-oʻqituvchilar kengashi
67-modda (Tashkil etish va tarkib)
-
① Professor-oʻqituvchilar kengashi institutning o'quv ishlari bilan bog'liq muhim masalalarni muhokama qilish uchun tuziladi.
-
② Professor-oʻqituvchilar kengashi shtatdagi professor-o‘qituvchilardan tarkib topib, rektor tomonidan chaqiriladi va rektor unga raislik qiladi.
68-modda (Ko’rib chiqiladigan masalalar)
-
Professor-oʻqituvchilar kengashi quyidagi masalalarni ko’rib chiqadi.
1. Ta'lim va tadqiqotga oid masalalar
2. Qabul, bitiruv va imtihonlarga oid masalalar
3. Akademik faoliyatga oid ishlariga oid muhim masalalar
4. O’quv faoliyatiga oid muhim bo'lgan boshqa masalalar
69-modda (Yig’ilish)
-
Professor-oʻqituvchilar kengashi a’zolarning ko‘pchiligi ishtirokidagina va qatnashuvchilarning ko‘pchiligining roziligi bilangina qaror qabul qiladi.
IX bo'lim – Ilmiy ishlar qo'mitasi
70-modda (Ilmiy ishlar qo'mitasi)
-
Ilmiy ishlar qo‘mitasi institutning umumiy faoliyati bilan bog‘liq muhim masalalarni muhokama qilish uchun tuziladi.
71-modda (Tarkibi va chaqiruv)
-
① Ilmiy ishlar qo‘mitasi rektor, prorektor va dekanlardan tarkib topadi.
-
② Ilmiy ishlar qo'mitasi rektor tomonidan chaqiriladi va rektor unga raislik qiladi.
X bob – O'z-o'zini baholash
72-modda (O'z-o'zini baholash)
-
① O'z-o'zini baholash oliygohninh ta'lim sharoitlarini yaxshilash, ta'lim va tadqiqot sifatini oshirish uchun o'tkaziladi.
-
② O'z-o'zini baholash mezonlari, tartibig, usullari uchun zarur bo'lgan masalalar alohida qoidalarda belgilanadi.
11-bob - Institut qoidalariga o’zgartirish kiritish
73-modda (O‘zgartirish kiritish tartibi)
-
① Har bir dekan institut nizomiga o'zgartirish kiritish zarur deb hisoblasa, u institut nizomiga o'zgartirishlar loyihasini tayyorlashi va uni rejalashtirish bo'limi boshlig'iga taqdim etishi kerak.
-
② Rejalashtirish bo'limi boshlig'i unga taqdim etilgan o’zgartirishlar loyihasini e'lon qiladi va Ilmiy ishlar qo'mitasi tomonidan muhokama qilinganidan va rektor tomonidan tasdiqlanganidan keyin uni institut qoidalari sifatida tasdiqlaydi.
74-modda (Ochiqlanish
-
Tasdiqlangan institut qoidalari rektor tomonidan darhol e’lon qilinishi kerak.
Ushbu qoidalar 2023-yil 1-sentabrdan amal qiladi
1-ilova - [Kontrakt shartnoma to’lovini qaytarish mezonlari]
Qaytarish sababi yuzaga kelgan sana |
Qaytariladigan summa |
Institutga qabul qilingan kungacha yoki joriy semestr boshlanishidan bir kun oldin |
kontrakt-shartnoma(qabul) to’lovining to’liq summasi |
Semester boshlangandan keyin 30 kungacha |
kontrakt-shartnoma to’lovining 6dan 5 qismiga teng summa |
Semester boshlangandan keyin 30 kundan ko’p 60 kundan kam muddatgacha |
kontrakt-shartnoma to’lovining 3dan 2 qismiga teng summa |
Semester boshlangandan keyin 60 kundan ko’p 90 kundan kam davrgacha |
kontrakt-shartnoma to’lovining 2dan 1 qismiga teng summa |
Semester boshlangandan keyin 90 kundan ko’p davrgacha |
qaytarilmaydi. |
2-ilova - [Bakalavr ilmiy darajalarining turlari]
Ilmiy daraja |
Fakultet va mutaxassilik |
Gumanitar fanlar bakalavri |
Koreys filologiyasi fakulteti |
Muhandislik fanlari bakalavri |
Kompyuter va AKT fakulteti, Elektron muhandislik fakulteti, Multimedia va kontent muhandisligi fakulteti, Axborot-kommunikatsiya muhandisligi fakulteti, Sun'iy intellekt va dasturlash fakulteti, Inson va axborot texnologiyalari konvergensiyasi fakulteti |
Qishloq xo'aligi fanlari bakalavri |
Axborot texnologiyalari va "aqlli" ferma fakulteti |
Ta'lim bakalavri |
Maktabgacha ta’lim fakulteti |
San'at bakalavri |
Go‘zallik sanoati fakulteti |